لە چوارچێوەی سەردانەکەی بۆ بەغدا ، ئەمڕۆ یەکشەممە 5/24، مەسرور بارزانی، سەرۆکی حکومەتی هەرێمی کوردستان، لەگەڵ نووری ئەلمالیکی، سەرۆکی هاوپەیمانیی دەوڵەتی یاسا کۆبووەوە.
هەردوولا هاوبۆچوون بوون لەسەر کارکردنی هاوبەش لەپێناو ڕووبەڕووبوونەوەی ئاڵنگارییەکان و پاراستن و پێشخستن و ڕاستکردنەوەی ڕێرەوی پرۆسەی سیاسی لە سەر بنەمای ڕێزگرتن لە پرنسیپەکانی هاوبەشیی و هاوسەنگی و سازانی نیشتمانی و پاراستنی مافی گشت پێکهاتەکان .